童年時在長沙灣的時候,當時我覺得有一套很正的英雄式電視劇集-是名為《通天奇兵》(The A-Team)(美國電視劇集)。於(1983年1月23日至到1987年3月8日)在(美國NBC)首播,全5季總共98集。
(香港)(亞洲電視)於(1984年)在(黃金台)(後稱本港台)以(粤語配音)版本播出。經典一時。
~~~~~~~~
(早期開場經典音樂+粵語配音旁白)(請参看影片)
轟動世界嘅(通天奇兵),今日已經成為人民嘅英雄、罪惡嘅剋星。當年佢哋四個都係駐越美軍嘅突擊隊,喺印支戰場同越南佬打生打死,後來因為打劫北越政府一間銀行,被美國軍部拘控,好彩越獄成功,不過到而家仲係被通緝緊嘅。
通天奇兵嘅隊長(水牛),身經百戰、智勇雙全,係國際級嘅大哥大。
斯文靚仔嘅(霹靂仔),也文也武,又talk得又打得。氹女仔仲一流,成個粉面金剛咁。
空軍戰鬥英雄(喪榮),除咗揸各類型嘅飛機都拿手之外,扮鬼扮馬嘅演技簡直可以攞金像獎呀!
機械工程師(鈍胎),真係天才加鬼才嘅化身。
受壓逼、受欺凌嘅朋友,快啲搵(通天奇兵)啦,佢哋一定可以幫到你㗎!
~~~~~~~~
(後期開場經典音樂+粵語配音旁白!?)(請参看影片)
佢係(水牛),通天奇兵嘅隊長。佢智勇雙全、善於化裝,嫉惡如仇,是天生嘅反罪惡領袖。
佢係(霹靂仔),通天奇兵嘅軍師。生得斯文靚仔,成個女人湯圓咁款。通天奇兵有乜唔掂,佢都會揾到靚女來解圍嘅。
呢個係(喪榮),所謂只有生壞命無改錯花名,佢的確係大喪一名。不過唔好睇小佢呀,佢係全能嘅空軍駕駛員。
呢個係(鈍胎),點解呢?因為佢一坐飛機就會頭暈眼花暈機浪㗎啦。但係除咗呢樣之外呢,佢就瓣瓣都掂嘅。
~~~~~~~~
記得我是童年時在長沙灣的時候,才首次看《通天奇兵》的。誰知一看便愛上了;覺得當時(這套劇集)真的十分正。
4個一同行動,以對付人而言,已經是所向無敵的了。童年時的我是這樣認為的。
~~~~~~~~
(竟然有亞視配音片段,正!)
《註》：引用網上的影片。
~~~~~~~~
吳獅皇
(2025年10月8日)
沒有留言:
發佈留言