(學生哥)(1978年)

 

~~~~~~~~

(學生哥)(1978年)

作曲:(許冠傑)   作詞:(黎彼得和許冠傑)   主唱:(許冠傑)(王書麒和路家敏和唱)

La La La...

學生哥   好溫功課   咪淨係掛住踢波 

最弊肥佬左無陰功囉   同學亦愛莫能助 

(肥佬左無陰功囉   同學亦愛莫能助) 

學生哥   好咪書囉   咪日夜掛住拍拖 

顧住十幾科   科科喎   面懵懵一肚火 

(十幾科   科科喎   面懵懵一肚火)

螞蟻亦要搵野食   唔做事確係無益 

少壯就要多努力   來日望自食其力 

學生哥   要思己過   唔係第日悔恨更多 

人之初   應知錯   唔自立就會捱餓 

(人之初   應知錯   唔自立就會捱餓) 

螞蟻亦要搵野食   唔做事確係無益 

少壯就要多努力   來日望自食其力 

學生哥 一個個   我地日日記住隻歌 

人多多   re mi re do   齊合力唱詠同和 

(人多多   re mi re do   齊合力唱詠同和) 

La La La...

~~~~~~~~

童年時在橫頭磡的時候,隱約記得開頭最深印象就是(學生哥)這一首歌了。這一首歌是(1978年)時的歌,一路橫跨至(80年代),當時是(學生哥)的話,大多都會聽過這一首歌了。通常都會記得(學生哥   好溫功課   咪淨係掛住踢波),我有印象(原初的這個版本)是(王書麒和路家敏負責和唱)的。

而(這一首歌)開頭(前兩節)就已經開宗明義要(學生哥)專注於(學業),咪淨係掛住踢波,咪日夜掛住拍拖。最弊就是肥佬左的話無陰功囉,就連同學亦愛莫能助。顧住是十幾科!如果科科喎!到時面懵懵就會一肚火了!

跟住就含有說教的味道。你看螞蟻亦要搵野食,唔做事確係無益。鼓勵要努力向上;少壯就要多努力,來日望自食其力。跟住就勸喻(學生哥)要思己過,唔係第日悔恨更多(就會很後悔了)!所以人之初(學生哥還是求學階段),應該知道錯,不然的話,唔自立就會捱餓了。最後,就要(學生哥)一個個日日記住隻歌。人多多,re mi re do,一齊合力來唱詠同和這一首歌。

~~~~~~~~

(自製歌曲影片封面。)

《註》:引用網上的影片。

~~~~~~~~